دل کی بات ہے۔
دل چاہے تو حرام، حرام۔
دل مانے تو سب حلال۔
جان چھڑانی ہو تو استخارہ
ایک طرف جائز طلاق
دوسری جانب ناجائز نباہ۔
اپنے لیے آزمائش
دوسروں کے لیے مکافات۔
انجان کا اچانک چھونا اچھا لگے تو راحت
نہ لگے تو حراسانی کی قباحت۔
پسندیدہ شخص کا شرک بھی توحید
ورنہ تو مومن کا جہاد بھی فساد۔
مردہ شہید۔
شہید مردہ۔
دل بھر جائے تو بیڑہ غرق
نہ بھرے تو مسلسل اذیت۔
دل کی بات ہے۔
میری آزمائش، تمہاری سزا۔
میری نماز، تمہاری ٹکریں۔
میری جنت، تمہاری دوزخ۔
